“Odam bo‘lish qiyin” yoki “Eljernonga atalgan gullar”

Inson hayot yo‘lida qadam tashlar ekan, u turfa sinovlar, kutilmagan to‘siqlar va murakkab imtihonlarga duch keladi. Bu sinovlar ba’zan yengil, ba’zan esa nihoyatda og‘ir bo‘lib, insonning sabr-toqati, matonati va irodasini sinovdan o‘tkazadi. To‘siqlarni qanday yengib o‘tish, hayot dovonlaridan qay yo‘sinda oshib o‘tish, qiyinchiliklarga qarshi nechog‘lik jasorat bilan turib bera olish — bularning barchasi insonning ichki kuchi va qat’iyatiga chambarchas bog‘liq. Zero, o‘qish har kimning qo‘lidan keladi, ammo uqish — anglash, his qilish va xulosa chiqarish esa har kimga ham nasib etavermaydi.

“Kreativ fikrlovchi yoshlar” klubining navbatdagi mashg‘uloti aynan shu dolzarb va teran mazmunga ega mavzuga bag‘ishlandi. Unda muhokamaga qo‘yilgan asarlar — Oʻzbekiston xalq yozuvchisi Oʻlmas Umarbekovning “Odam bo‘lish qiyin” hamda amerikalik yozuvchi Deniel Kizning “Eljernonga atalgan gullar” asarlari yoshlarni chuqur o‘yga toldirib, qizg‘in va mazmunli bahs-munozaralarga chorladı. Ushbu asarlar orqali insoniylik, ong va qalb uyg‘unligi, jamiyatdagi o‘rin va shaxsiy o‘sish masalalari keng yoritilib, ishtirokchilar tomonidan turli nuqtai nazarlar asosida tahlil qilindi.